3859

 

 

Ekkert orð er skrípi, ef það stendur á réttum stað.
- Vettvángur dagsins.

 

 

 

 

 

.

 

 

 

 

 

 

 

 

 

 

 

 

 

 

 

 

 

Innskráning

Niðurstöður úr nafnakosningu nemenda grunnskólanna. Uppfært

16. maí

Niðurstöður seinni kosning nemenda í grunnskólum sveitarfélagsins.

Atkvæði skiptust mjög jafnt milli nafnanna Heiðarbyggð og Suðurbyggð í síðari umferð atkvæðagreiðslu meðal nemenda í grunnskólunum í Garði og Sandgerði. Í fyrri umferð völdu nemendur Heiðarbyggð og Suðurbyggð til síðari umferðar, rétt eins og í almennu atkvæðagreiðslunni.

Tillagan Heiðarbyggð fékk 42,7% atkvæða frá 164 nemendum, meðan tillagan Suðurbyggð fékk 41,15% atkvæða frá 158 nemendum. Alls vildu 62 nemendur hvorugt þessara nafna. Greidd atkvæði voru 384. Kosningaþátttak var því 81,5%, sem er mun betra en í fyrri umferðinni þegar 68,5% greiddu atkvæði.

Síðari umferð almennrar atkvæðagreiðsla um nýtt nafn stendur yfir og lýkur henni kl. 23.59 á fimmtudagskvöld. Atkvæðagreiðslan fer fram á vefsíðunni sameining.silfra.is

Nánari upplýsingar um atkvæðagreiðsluna veita

 

Niðurstöður fyrri kosning nemenda í grunnskólum sveitarfélagsins.

Nemendur í Gerðaskóla og Grunnskóla Sandgerðis velja Heiðarbyggð og Suðurbyggð til síðari umferðar.

Við val á nafni á sameinað sveitarfélag Sandgerðisbæjar og Garðs er lögð mikil áhersla á þátttöku ungs fólks, enda er verið að velja nafn á sveitarfélagið þeirra til framtíðar. Sérstaklega var kallað eftir hugmyndum nemenda í grunnskólum að nöfnum og barst 291 tillaga frá þeim.

Í atkvæðagreiðslu um nýtt nafn hafa 17 ára og eldri atkvæðisrétt, þ.e. allir þeir sem fæddir eru 2001 eða fyrr. Þannig geta allir á framhaldsskólaaldri tekið þátt í almennu atkvæðagreiðslunni. Samhliða var ákveðið að nemendur í grunnskólum myndu taka þátt í skuggaatkvæðagreiðslu. Nemendur í báðum grunnskólum hafa áður tekið þátt í slíkum atkvæðagreiðslum sem er hluti af þjálfun þeirra til þátttöku í lýðræðissamfélagi. Kennarar í Sandgerðisskóla og Gerðaskóla eru framarlega í upplýsingatækni og var atkvæðagreiðslan rafræn, rétt eins og hjá fullorðna fólkinu.

Fyrri umferð atkvæðagreiðslu hjá nemendum er lokið og hafa þau valið Heiðarbyggð og Suðurbyggð til síðari umferðar. Nafnið Heiðarbyggð fékk rúmlega 33% greiddra atkvæða og Suðurbyggð tæplega 27%. Síðari umferð fer fram í næstu viku og mun þá liggja fyrir hvaða nafn nemendur velja á nýja sveitarfélagið sitt. Alls greiddu 322 nemendur atkvæði, en nemendur í grunnskólunum eru alls 470. Kosningaþátttaka var því 68,5%                                       

 

Mynd af nemanda kjósa, í Gerðsakóla
Súlurit um niðurstöður úr nafnakosningu grunnskólanema í Garði og Sandgerði.
Súlurit men niðurstöðum úr nafnakosningu í grunnskólum.
Færðu mig upp fyrir alla muni!