Byggðasafnið er staðsett að Skagabraut 100 við Garðskagavita. Safnið var fyrst opnað almenningi 26. nóvember árið 1995.

Sumaropnun:
1. apríl til 31. október. Alla daga kl. 13-17.

Vetraropnun:
Opnað fyrir hópa samkvæmt samkomulagi
við safnstjóra í síma 422-7220 eða með
tölvupósti: gardskagi@simnet.is
Safnstjóri: Eyrún Helga Ævarsdóttir.
Netfang: eyrunhelga@svgardur.is

Byggðasafnið á Garðskaga var fyrst opnað almenningi þann 26. nóvember 1995 í gömlum útihúsum á Garðskaga. Á tíu ára afmæli safnsins var tekið í notkun nýtt 700 fermetra safnahús með kaffiteríu á efri hæð. Margt merkilegra muna úr byggðasögu Garðsins er á safninu. Má þar nefna yfir 100 ára trérennibekk,heimasmíðað ferðaorgel sem jafnframt er yfir 100 ára, sexæring með Engeyjarlagi sem byggður var árið 1887 og marga aðra merkilega muni. Það sem gerir safnið á Garðskaga einstakt er vélasafn Guðna Ingimundarsonar. Yfir 60 vélar af ýmsum gerðum, sem nær allar eru gangfærar. Sú elsta er Sandia glóðarhausvél frá árinu 1920.

Safnið hefur til sýnis ýmsa muni sem tengdust búskaparháttum til sjós og lands, elstu munirnir eru orðnir yfir eitt hundrað ára gamlir. Stór hluti af safninu eru sjóminjar, það er ýmsir hlutir sem notaðir voru við fiskveiðar og til verkunnar á fiski í landi. Á safninu er áttæringur með Sunnlensku lagi smíðaður árið 1913, hefðbundinn trillubátur frá árinu 1932 með upphaflegu vélinni, níu metra langur bátur með Engeyjarlagi smíðaður árið 1887, þá eru fjórir aðrir bátar á safninu.

Einstakt vélasafn er til sýnis vélarnar eru sextíu talsins, þær eru allar uppgerðar af Guðna Ingimundarsyni í Garði, og eru flest allar gangfærar. Vélarnar eru af ýmsum gerðum, mest litlar bátavélar sú elsta frá árinu 1920 ein gufuvél er á safninu.


Á haustmánuðum 2004 hófust miklar framkvæmdir við safnið, þar sem hafist var handa við að byggja við safnahúsið. um er að ræða 700m2 byggingu sem er á tveimur hæðum að hluta, á efri hæð er veitingasalur sem tekur 50 manns í sæti, þar er mjög gott útsýni yfir Faxaflóann, Snæfellsjökul, fjallahringinn umhverfis flóann og sólarlagið sem er einstakt á Garðskaga. Sýningarsalir safnsins stækka verulega við þessar breytingar og verða orðnir um 700 m2. Safnið getur nú boðið upp á aðstöðu fyrir ýmsar uppákomur eins og t.d. farandsýningar handverkafólks o.fl. Þá er veitingarsalurinn kjörinn fyrir ýmsar veislur og fundarhöld.

2. júlí 2005 varð svo vígsla Byggðarsafnsins á Garðskaga að viðstöddum rúmlega 100 boðsgestum. Sunnudaginn 3. júli var svo safnið opnað almenningi og verður safnið opið, eins og fyrr er getið, frá kl. 13:00 - 17:00. Þennan fyrsta dag komu rúmlega 200 gestir til að skoða safnið og flestir af þeim notuðu einnig tækifærið til að fá sér kaffi og meðlæti, enda opnaði Flösin-kaffitería á sama tíma. Flösin fyrirverandi er nú rekin sem Veitingahúsið Tveir vitar og er opið frá kl. 12:00 - 22:00 alla daga frá 1. apríl til 31. október. Á veturnar er opið eftir samkomulagi. 

Veturinn 2010 - 2011 áskotnaðist Byggðasafninu á Garðskaga alla NMT farsímasendana sem voru á fjallinu Þorbjarnarfelli við Grindavík. Þar er fjarskiptastöð sem hýsir senda og viðtæki sem þjóna skipaflotanum á Faxaflóa og fyrir sunnan land. Síðustu árin sem NMT kerfið var rekið var 90% viðskiptavina NMT símaþjónustunnar bátar og skip.
Starfsmenn frá Radio ehf aðstoðuðu safnvörð, í sjálfboðavinnu, við að endurraða fjarskipta tækjum sem safnið átti.
Allar rásir sendanna á Þorbjarnarfelli voru mjög oft í loftinu því þessir sendar drógu mun lengra en GSM kerfið gerir. Það var því við hæfi að sendarnir yrðu varðveittir við hlið fjarskiptatækja frá skipum og bátum.

Á þessu safni eru t.d. viðtæki úr elstu farskipum landsins. Radio ehf útbjó hljóðkerfi sem spilar upptökur frá fyrri tímum fjarskiptanna ásamt símtölum sem áttu sér stað í NMT símakerfinu. Þau eru að sjálfsögðu spiluð með leyfi viðkomandi aðila.
Þar er einnig mikið af merkilegum hlutum frá fyrri tímum byggðar á Reykjanesi ásamt mörgum vélum úr smábátum. Flestar vélarnar eru gangfærar og líta út sem nýjar.

Aðeins er rúm hálftíma keyrsla er úr Reykjavík í Garðinn.  
    
Við Garðskagavita er mikið fuglalíf og falleg náttúra. Í safninu er einnig sérstaklega góð kaffistofa með ódýrum veitingum og frábæru útsýni, en fjallagarður Snæfelsness blasir við ástam Snæfellsjökli. Ekki er óalgengt að sjáist í hvali úti á sjónum, af svölum veitingahússins

.

Myndbrot úr Byggðasafninu:

Video: Bátarnir á byggðasafninu. (.wmv)

Video: Úr gamla safninu. (.wmv)

Video: Vélar á byggðasafninu. (.wmv)

Video: Nýtt safnahús byggt. (.wmv)

Video: Safnmunir fluttir á nýtt safn. (.wmv)

Video: Trukkurinn hans Guðna. (.wmv)

Kennsluefni tengt Byggðarsafninu:

Smelltu hér til að sækja safnkennsluefnið á pdf skali ( pdf - 994KB).